हेटौंडा, जनता समाजवादी पार्टी नेपाल, ताम्सालिङ राष्ट्रिय समितिले अधिवेशनको मिति र स्थान तोकेको छ ।
अधिवेशन आगामी भाद्र ११ र १२ गते ३ नं. प्रदेश नेवा ः ताम्सालिङ राजधानी हेटौंडामा आयोजना गर्न लागिएको राष्ट्रिय समितिले जनाएको छ ।
ताम्सालिङ राष्ट्रिय समितिले उक्त अधिवेशनको आवश्यक तयारीका लागि विभिन्न जिम्मेवारीहरु समेत बाँडफाँड गरेको बताएका छन् । अधिवेशनलाई भव्य, सभ्य र सुसज्जित तवरबाट सम्पन्न गर्नका निम्ति राष्ट्रिय समितिले आजबाटै विभिन्न उप–समितिहरु गठन गरेर अधिवेशन सञ्चालनको तयारीमा जुटेका छन् ।
जसमा आर्थिक समिति संयोजक नोरमान दोङ तामाङ, प्रचारप्रसार समिति संयोजक जीवन पाख्रिन तामाङ र व्यवस्थापक समितिमा मकवानपुर र चितवन जिल्ला समितिका साथै राष्ट्रिय समितिको मातहतमा रहेका जिल्लाहरु रहने ताम्सालिङ राष्ट्रिय समितिका अध्यक्ष ज्ञान बहादुर तामाङले थर्ड पोल टाइम्स लाई जानकारी दिएका छन् ।
जसपा नेपालका शिर्ष नेताहरुबाट संबोधन गरिने उक्त अधिवेशनमा ताम्सालिङ मातहतका जिल्लाहरु काभ्रे, मकवानपुर, चितवन, धादिङ, नुवाकोट, सिन्धुली, रामेछाप, दोलखा, सिन्धुपाल्चोक र रसुवा लगायतका प्रतिनीधिहरु रहने छन् ।
त्यसैगरी राज्य पुर्नसंरचना आयोगले सिफारिस गरेको स्वायत्तता क्षेत्र, विशेष क्षेत्र, संरक्षित क्षेत्र र पार्टीका भातृ तथा जनवर्गीय संगठनहरुको प्रतिनिधित्व रहने बताइएको छ ।
Leave a Reply