काभ्रे । राष्ट्रिय आदिवासी जनजाती महिला मञ्चको सहयोगमा नमोबुद्ध नगरपालिका वडा नंं. ११ भालुखर्क स्थित जलवायु अनुकूलन कृषि प्रणाली तथा कृषक पाठशाला दशौं हप्ताको समिक्षात्मक कार्यक्रम सम्पन्न भएको छ ।
यस दशौं हप्ताको कृषक पाठशाला समिक्षात्मक कार्यक्रम भालुखर्क आदिवासी कृषक महिला समुहले आयोजना गरेको थियो ।
उक्त कार्यक्रमको प्रमुख अतिथि नमोबुद्ध नगरपालिका वडा नंं. ११ का वडाध्यक्ष कृष्ण वहादुर तामाङ र विशिष्ट अतिथि राष्ट्रिय आदिवासी जनजाती महिला मञ्चको अध्यक्ष सोनी लामा रहनु भएको थियो ।
त्यसैगरी अतिथिहरु वडा सचिव शंकर भट्टराई, मञ्चको महासचिव मनमाया तामाङ, कोषाध्यक्ष सुशिला गोले, समाजसेवी ज्ञान वहादुर तामाङ, सुकमान तामाङ, सनिला तामाङ र प्रशिक्षक ओम कृष्ण श्रेष्ठको आतिथ्यता रहेको थियो ।
वडाध्यक्ष कृष्ण वहादुर तामाङका अनुसार वडामा प्रत्येक बर्ष कृषि क्षेत्रका लागि बजेट आउने गरेको भएतापनि यस क्षेत्रमा त्यस्तो कुनै कृषि समुह दर्ता नभएकाले कृषिका लागि छुट्याइएको बजेटलाई अरु नै शिर्षकमा खर्च गर्नुपर्ने बाध्यता रहेको बताए । आगामी दिनहरुमा आफू र वडाबाट भालुखर्क आदिवासी कृषक महिला समुहलाई आवश्यक सहयोग गर्ने बताए ।
राष्ट्रिय आदिवासी जनजाती महिला मञ्चका अध्यक्ष लामाले स्वागत मन्तव्य सहित यस समुहका दिदी बहिनीहरुको सीप, ज्ञान र कृषि प्रणालीलाई अगाडि बढाउदै ग्रामिण क्षेत्रका आदिवासी महिलाहरुलाई जलवायु अनुकूलन कृषि प्रणालीमा जोड दिई उनीहरुको आर्थिक स्तर माथि उकास्नु नै राष्ट्रिय आदिवासी जनजाती महिला मञ्चको प्रमुख उद्देश्य रहेको समेत बताईन् ।
यस नमोबुद्ध क्षेत्र राजधानीबाट नजिक रहेतापनि विकासका हरेक गतिविधिहरु हेर्दा अति नै सुदुर विकट झल्को आउने गरेको वडा सचिव शंकर भट्टराईले बताए । यस भेगका महिला दिदी बहिनीहरुको आर्थिक पक्ष सबल बनाउन जलवायु अनुकूलन कृषि प्रणालीद्धारा कृषि प्रवद्र्धन गर्न सके यस वडाको विकासलाई अझ थप टेवा पुग्ने बताए ।
त्यसैगरी १० औं समिक्षात्मक कार्यक्रममा प्रशिक्षक ओम कृष्ण श्रेष्ठले अहिले सम्मका सहभागी भालुखर्क आदिवासी कृषक महिला समुहको प्रगति विवरणबारे जानकारी गराएका थिए ।
उक्त दशौं समिक्षात्मक कार्यक्रममा बशन्ती तामाङको अध्यक्षता रहेको थियो भने समुहको सचिव सुमिना तामाङले कार्यक्रमको सञ्चालन गरेका थिए ।
Leave a Reply